राष्ट्रीय पेन्शन प्रणाली (NPS) हि केंद्र शासनातर्फे चालवली जाते, यामध्ये कर्मचारी आपल्या NPS खात्यात काही ठराविक रक्कम दरमहा गुंतवणूक म्हणून जमा करतात आणि निवृत्तीनंतर पेन्शन चा लाभ घेतला जातो. यामध्ये रक्कम चेक, ऑनलाईन बँकिंगने जमा करता येऊ शकते, पण आता UPI द्वारे NPS खात्यात रक्कम जमा करता येणार आहे आणि सर्वात सोपी पद्धत आहे.
UPI युनिफाइड पेमेंट्स इंटरफेस म्हणजे काय ?.
(UPI) ही एक रिअल-टाइम पेमेंट सिस्टम आहे. यामध्ये आपण मोबाइल प्लॅटफॉर्मद्वारे त्वरित पैसे दुसऱ्या अकाउंट मध्ये हस्तांतरित करू शकतो . तुम्ही बँक खात्याशी संलग्न असा UPI ID तयार करू शकता आणि पैसे पाठवण्यासाठी त्याचा वापर करू शकता.
UPI आयडी कसा सक्रिय कराल?
- NPS सदस्य प्रथम ऍप स्टोअर किंवा बँकेच्या वेबसाइटवरून UPI अँप्लिकेशन डाउनलोड करू शकतात .
- तुमच्या पसंतीचा UPI आयडी (VPA) नोंदणी करा, उदाहरणार्थ abc@upi
- व्यवहार प्रमाणीकृत करण्यासाठी MPIN सेट करा.
- बँक आणि खाते क्रमांक VPA शी संलग्न करा.
UPI द्वारे NPS मध्ये योगदान देण्याची पद्धत.
- NPS ट्रस्टच्या वेबसाइटनुसार, वापरकर्त्याला पेमेंट पर्याय म्हणून UPI निवडावा लागेल.
- NPS सदस्य UPI द्वारे फक्त 2000 रुपयांपर्यंत पेमेंट करू शकतात.
- सदस्यांना व्हर्च्युअल पेमेंट ऍड्रेस (VPA) देणे आवश्यक आहे.
- यानंतर UPI अर्जावर पेमेंटची माहिती मिळेल.
- वापरकर्त्याला UPI ऍप्लिकेशनमध्ये लॉग इन करावे लागेल आणि निर्धारित वेळेत व्यवहाराची पुष्टी करावी लागेल.